Traktorlar və digər mexaniki nəqliyyat vasitələrini idarə etmək üçün sürücülük vəsiqəsinin verilməsi

Məzmunu

Traktor və digər mexaniki nəqliyyat vasitələrini idarə etmək üçün sürücülük vəsiqəsinin verilməsini əhatə edir

Xidmətin həyata keçirilmə formaları

 DAİM-lərə gəlməklə kağız daşıyıcıda və ya elektron qaydada müraciətin təqdim edilməsi və nəticənin kağız daşıyıcıda və ya elektron qaydada əldə edilməsi

Xidmətin həyata keçirilməsi üçün tələb olunan sənədlər və onların təqdimedilmə forması

Traktorlar və digər mexaniki nəqliyyat vasitələrini idarə etmək üçün imtahanların qəbulu və sürücülük vəsiqəsinin verilməsi üçün tələb olunan aşağıdaki sənədlər elektron və ya kağız daşıyıcılar üzərində təqdim edilir:

     - təhsil haqqında şəhadətnamə və ya diplom (müvafiq kateqoriyalı nəqliyyat vasitələri sürücülərinin hazırlanması üzrə təhsil müəssisəsinin sənədi verdiyi şəhadətnamə və ya diplomun surəti);

     - semestr-imtahan cədvəllərindən çıxarış və ya diploma əlavə;

     - tibbi arayış (Azərbaycan Respublikasının Səhiyyə Nazirliyi tərəfindən təsdiq olunmuş formada);

     - dövlət rüsumu elektron qaydada ödənilmədiyi halda, dövlət rüsumunun ödənilməsi barədə sənəd (sürücülük vəsiqəsinin verilməsi üçün imtahanların qəbuluna görə dövlət rüsumunun ödənilməsi barədə sənəd);

    - Elektron xidmətin göstərilməsi üçün tələb olunan sənədlər skan edilmiş formada təqdim edilir.

 Təqdim edilən sənədlər əsasında qurum tərəfindən elektron ərizə tərtib edilir  və müraciət edən şəxs tərəfindən imzalanır.

Xidmətin ödənişli və ya ödənişsiz əsaslarla həyata keçirilməsi, ödənişli xidmətin məbləği, hüquqi əsası və ödənilmə üsulları

Ödənişlidir:

     - Traktor və digər mexaniki nəqliyyat vasitələrini idarə etmək üçün sürücülük vəsiqəsinin verilməsinə görə  dövlət rüsumu – 5 manat

(“Dövlət rüsumu haqqında” Azərbaycan Respublikasının Qanununun 18.65.5.2-ci maddəsi )

Ödənişlər nağdsız qaydada həyata keçirilir..

Qeyd: Traktor və digər mexaniki nəqliyyat vasitələrini idarə etmək üçün sürücülük vəsiqəsinin verilməsinə səbəb onun yazılarında dəqiqsizlik müəyyən edilməsi ilə bağlı olduqda dövlət rüsumu ödənilmir.